Um Haustgildi

Haustgildi – menning er matarkista – er haldin á Stokkseyri fyrstu helgina í september ár hvert. Haustgildi er uppskeruhátíð í víðri merkingu sem fagnar hausti og uppskeru með það að markmiði að tvinna saman menningarviðburði og markað í fjölskylduvæna upplifun við ströndina. Menning er nefnilega matarkista.

Annað markmið Haustgildis er að efla grasrótina. Samstarf við þau gallerí sem til staðar eru á Stokkseyri er ein megin stoð hátíðarinnar. Þátttakendur fá gott tækifæri til að koma vöru sinni á framfæri beint til gesta. Einnig geta þátttakendur átt í samstarfi sín á milli til að örva nýsköpun og styðja hvert við annað.

Virðing og umhyggja eru lykilorð Haustgildis. Virðing og umhyggja fyrir þátttakendum, sem og gestum, en ekki síður umhverfinu og sjálfbærni.